ഞങ്ങള്‍ക്കതൊക്കെ പുല്ലാണ്
സാമ്പത്തിക മാന്ദ്യവും ,വിലക്കയറ്റവും . അതൊക്കെ ഞങ്ങള്‍ക്ക് പുല്ലാണ് . ലോകം സാമ്പത്തിക മാന്ദ്യത്തിലും , വിലക്കയറ്റത്തിലും പെട്ട് പുളയുന്ന കഥ കഴിഞ്ഞ കുറെ മാസങ്ങളായി നാം കേട്ട്കൊണ്ടിരിക്കുന്നതാണ് . പല രാഷ്ട്രങ്ങളും മാന്ദ്യത്തില്‍ തകര്‍ന്നപ്പോള്‍ മാന്ദ്യത്തിനു വലിയ തോതില്‍ പിടികൊടുക്കാതെ പിടിച്ചു നിന്ന ചില രാഷ്ട്രങ്ങളെ കുറിച്ച് നാം കേട്ടിട്ടുണ്ട് . ഇന്ത്യ , ഒമാന്‍ തുടങ്ങിയവ . ഇത്തരം രാഷ്ട്രങ്ങള്‍ വലിയ തോതില്‍ വിയര്‍ത്തില്ലെങ്കിലും, അവരും വളരെ ബെജാറിലായിരുന്നു എന്നത്തായിരുന്നല്ലോ സത്ത്യം .......എന്നാല്‍ എല്ലാ മാന്ദ്യവും ഞങ്ങള്‍ക്ക് പുല്ലാണ് എന്ന മുദ്രാവാക്ക്യവുമായി ഞങ്ങള്‍ പറക്കടവുകാര്‍ മുന്നോട്ടേക്ക് കുതിക്കുകയാണ് .
ഞങ്ങള്‍ക്ക് ഇതൊന്നും ഒരു വിഷയമേ അല്ല .ഞങ്ങള്‍ വിയര്‍ക്കാന്‍ പോയിട്ട് ഒന്ന്‍ കിതച്ചിട്ടു പോലുമില്ല
പൊന്നിന്‍ വില കൂടിയപ്പോള്‍ മകളുടെ കല്യാണത്തിനു അമ്പതു പവന്‍ സ്വര്‍ണം കൊടുത്തിരുന്ന ഇടത്തരക്കാര്‍ ഇന്ന് നാല്‍പത്,നാല്‍പത്തിഅഞ്ചു ,പവന്‍ ആക്കി ചുരുക്കിയിട്ടുണ്ടെങ്കിലും നൂറു പവന്‍ കൊടുത്തിരുന്ന പണക്കാര്‍ സ്വര്‍ണത്തിന്റെ അളവ് നൂറ്റിപത്ത്‌,നൂറ്റി ഇരുപത് എന്നാക്കി ഉയര്‍ത്തുകയാണ് ചെയ്തിരിക്കുന്നത് .
ബൈക്കില്‍ കറങ്ങിയിരുന്ന ഞങ്ങള്‍ക്കിന്നു ബൈക്കില്‍ കറങ്ങുന്നവരോട് ഒരു മാതിരി പുച്ഛമാ .കാരണം ഞങ്ങളിന്നു കാറുകളുടെ പിന്നാലെ ഓടുകയാ. വീടിന്റെ കാര്യത്തിലെന്നപോലെ ഞങ്ങള്‍ കാറുകളുടെ കാര്യത്തിലും മത്സരിക്കുകയാ. ഏത് ഇല്ലാത്തവനും ഒരു കാറുണ്ട്.ചിലര്‍ക്കൊക്കെ രണ്ടും , പാറക്കടവ് ടൌണില്‍ കാര്‍ പാര്‍ക്കിങ്ങിനു സ്ഥലമില്ലാത്ത അവസ്ഥയാണിപ്പോള്‍.
നാടോടുമ്പോള്‍ കൂടെ ഓടണമെന്നല്ലേ ചൊല്ല് . അത് കൊണ്ട് തന്നെ ഏത് ഇല്ലാത്തവനും എങ്ങിനെയെങ്കിലും കൂടെ ഓടാനുള്ള ശ്രമത്തിലാണിപ്പോള്‍. ഈ ഓട്ടം എവിടം വരെ എത്തുമെന്ന് നമുക്ക് കാത്തിരുന്നു കാണാം .
No comments:
Post a Comment